قول رأيك

 ما اكثر نوع من شوربة ماجى احبته عائلتك؟


Skip Navigation Links
أهلا بالضيف

اسألي خبيرة نستله

ليه كل مره بعمل باشميل بلاقى كتل فيه ؟

عند عمل الباشميل يجب مراعاة اذاية الدقيق فى الزيت او الزبده حسب الرغبه جيدا و لكن عند اضافة اللبن يجب مراعاة ان يكون دافئ و يقلب الخليط جيدا باستخدام مضرب يدوى سلك .
يمكنك استخدام خلطة ماجى للباشميل و ذلك باضافه 4 اكواب لبن فاتر على الكيس و يقلب على النار و فى دقائق تحصلين على اشهى و اسهل باشميل .

هل اضيف شوية زيت على المكرونه اثناء سلقها ؟

لا تضيفى زيت على ىالمكرونه اثناء سلقها و ذلك لانه يتسبب فى عدم امتزاج الصوص مع المكرونه .
تأكدى ايضا ان لا تقومى بشطف المكرونه لانه يتسبب فى جفافها و بالتالى لا تتشرب الصلصه بشكل كافى .

كل مره بسلق فيها بطاطس بلاقى جزء فيها من الداخل مش مستوى كويس و بعدين ما هى الطريقه الصحيحه الصحيه لسلق البطاطس ؟

عليك بسلق البطاطس فى ماء فاتر على نار هادئه مع التأكد ان المياه تغمر البطاطس و يفضل سلقها بقشرتها ثم قومى بغرس سيخ خشبى بداخل البطاطس للتأكد من درجة السواء ثم اتركى البطاطس فى ماء السلق حتى تبرد قليلا و قومى بتفشيرها و هرسها .

لما بعمل الملوخيه بتنفصل و ترقد فى الاناء ...ماذا افعل لتفادى ذلك ؟

تضاف الملوخيه سواء كانت مجمده او فريش فى شوربة الفراخ الساخنه و مكعب من مرقة الدجاج ماجى و تقلب حتى تتجانس و لكن لا تتركيها تغلى ... ثم تضاف طشة الثوم مع اضافة التوابل حسب الرغبه و يغطى القدر فقط بعد انتهائك و ليس قبل ذلك لانه سبب رئيسى يسبب ايضا فى ان ترقد الملوخيه .

عملت كريم كرامل و النتيجه ان الكريم كراميل كان ناشف و الكراميل فى الاسفل حجر و مبقاش صوص ؟

يجب وضع قوالب الكريم كرامل فى حمام ماء قبل دخولها الفرن و ذلك لان الماء عند تبخرها بتحافظ على الكراميل بيفضل سايح ( صوص ) و البيض و اللبن بيستوى مع الحفاظ على ليونته .

عايزه اعرف ايه التوابل المفروض استخدمها للفراخ واللحمه ؟

استخدام التوابل مع الفراخ و اللحمه يعتمد على الوصفه التى ستتبعينها و على الذوق الشخصى الذى يختلف من شخص لاخر و من بلد لاخرى :
السلق : الفلفل الاسود ، ورق لورى ، حبهان مطحون و طبعا البصل
الشواء :جميع انواع البهارات ( حسب الرغبه ) مع البصل و الثوم و الليمون و الطماطم .
البانيه : فلفل اسود ثم اختيارى ( بهارات – شطه – زعتر  ) تضاف للبيض و البقسماط
الطواجن : جميع انواع البهارات بالاضافه الى رشة كمون حسب الرغبه .
يمكنك الاستعانه بمرقة الدجاج ماجى لوصفات الدجاج و مرقة اللحمه ماجى للحمه حيث بهما كل انواع التوابل التى ستضفى على اكلاتك الطعم المضبوط .

كل مرة اشوح اللحمه بتنشف منى ؟

يمكنك تغليف  قطع اللحمه بشوية دقيق و  تجنبى ان تضيفى الملح اثناء التشويح : فقط اضيفى التوابل ... قومى بتعلية النار حتى تصبح اللحمه بنيه ثم اضيفى الماء و ما غير ذلك من مكونات حتى تغلى ثم اخفضى النار  و اغلقى  الاناء .

ما هى الطريقة المثالية لحفظ قرع العسل بالفريز وكم المدة لتى استطيع تخزينه؟

شكرا على السؤال 
الطريقه المثاليه لحفظ قرع العسل ان يقشر و يقطع و يغلف جيدا و يحفظ فى الفريزر لمدة 6 اشهر .
من فضلك اتبع هذا اللينك لكيفية عمل صينية القرع العسلى بطريقه سهله و صحيه.

صينية القرع العسلي

لو سمحتى عايزة اعرف طريقة صحية لعمل البطاطس المقلية؟

شكرا على السؤال

بنقشر البطاطس و بنقطعها صوابع او اجنحه بس نحاول تكون البطاطس ليها سمك تخين شويه.... بحضر صينية فرن كبيره و بحط فيها البطاطس و ارش عليها شوية زيت صغيرين و احاول ادعك البطاطس كلها ثم رشة ملح و فلفل و احطها فى الفرن.... ممكن اضيف بس طبعا ده حسب الرغبه زعتر وفص ثوم فريش مقطع شرائح ، ممكن كمان ارش بابريكا او شوية شطه و بالهنا و الشفا

انا عايزة اعرف طرق جديده للاكل الريجيم غير المشوى والسلوق؟

شكرا على سؤالك

اولا احب اوضح ان هناك طرق جديده لاكل الريجيم غير المشوى و المسلوق ..... مثلا زى الوصفه اللى انا اخترتهالك و هى فراخ بالباشميل و الجبنه بس معموله بطريقه خفيفه و صحيه و كمان محسوب السعرات الحراريه و هى 246 سعر حرارى للكميه الى هتاكليها ...احنا استخدمنا الباشميل بتاع ماجى لانها مش بس سهله لكن كمان خفيفه .... الاكله دى طعمها حلو قوى بس اتبعى الخطوات بالضبط و انشاء الله هتعجبك قوى ...
اتبعى اللينك ده و هتلاقى كمان وصفات كتير بنفس الطريقه .

فراخ بالبشاميل والجبنة

ماهى مكونات مرقة الدجاج ؟ وهل لها تاثير سىء على الاطفال؟

شكرا على السؤال
مكونات مرقة الدجاج هتلاقيها موجوده بالعربى على ظهر العلبه .
مرقة الدجاج ماجى بتظهر طعم مكونات الاكل كأنك طبخه بشوربة الفراخ . و ملهاش تأثير سىء على الاطفال و لكن مهم أننا نستخدم المرقة و نحضرها زى ما مكتوب على الغلاف

عايزة اعرف ازاي اعمل صوص الشيكولاتة لكيكة الشيكولاتة؟  

شكرا على السؤال ...
بالنسبه لصوص الشيكولاته فى اكثر من طريقه اما بالنسبه للطريقه اللى انا هادهالك فيها فكره و حاجه جديده اننا حطينا ايس كريم على الصوص ...متخافيش علشان احنا جربناها و هى حلوه
قوى 

مقادير صوص الشيكولاتة
1/4 1 كوب كريمة فريش - 3 ملاعق كبيرة زبدة - 350   جرام شيكولاتة مقطعة قطع صغيرة - 1 بولة آيس كريم بردايس شيكولاتة .

طريقة التحضير
 ضعي الكريمة والزبدة على نار هادئة في إناء وقلبي الخليط جيداً حتى يتجانس
ارفعي الإناء من على النار .. اضيفي قطع الشيكولاتة وبولة الآيس كريم وقلبي الخليط جيداً حتى تسيح الشيكولاتة تماماً ..اتركيها جانباً لمدة 15 دقيقة حتى تبرد
 اضيفي الخليط على الكيكه السابق تحضيرها .. وزينيها بالكريمه أو حسب الرغبة

ماهو بديل الكريمه البانى او الكريمه الفريش بصفه عامه ممكن استعيض عنها بايه؟

شكرا على السؤال
بالنسبه لبديل الكريمه اللبانى بالنسبه للحلويات استخدمى كريم شانتى اما بالنسبه للوصفات الحادقه هاضيفى ملعقة دقيق صغيره على كوباية لبن كامل الدسم

عندما اقلى البذنجان بيشرب زيت كتير جدا ماذا افعل

شكرا على السؤال
بالنسبه للباذنجان مهم جدا بعد تقطيعه ترشيه ملح و تسيبه تقريبا لمدة ساعه ....هتلاقى ان الباذنجان طلع ماء.... نشفيه كويس ثم اقليه فى زيت غزير و ساخن... هتلاقيه انه بيشرب زيت اقل .....
و لكن انا اقترح على حضرتك ان بعد ما تنشفى الباذنجان من الماء.... رصيه فى صينية فرن ، ادهنيه بفرشة بقليل من الزيت على الوشين ثم ضعيه فى الفرن تحت الشوايه و لما يحمر الوش الاول اقلبيه على الناحيه التانيه.... ممكن تستخدميه فى المسقعه او كطبق جانبى 

ليه البفتيك بيفك منى ارجو طريقه ما يفكش منى فيه

شكرا على السؤال
بالنسبه للبفتيك اللى بيفك فطريقته سهله جدا ...من فضلك اتبعى الخطوات

تبلى البفتيك فى عصير البصل المبشور ( تقريبا 2 بصله كبيره للكيلو + فلفل اسود و عصير ليمونه). ....ممكن تتبيليه من بالليل مع مراعاة انك تغطى الطبق  ببلاستيك 
حضرى طبق فيه شوية دقيق و عدد 3-4 بيضات عليهم رشة ملح و فلفل و ملعقة كبيره لبن فى طبق تانى مضروب كويس  و طبق ثالث فيه البقسماط
اول حاجه حطى قطعة الستيك فى الدقيق ثم البيض ثم البقسماط و اضغطى عليه بايدك ( لا تتركيه وقت كثير بعد تحضيره) ...قومى بقليه على طول
حضرى اكبر طاسه عندك و امليها بزيت ذره و خالى بالك ان الزيت ميسخنش قوى و ابتدى اقلى البفتيك على نار متوسطه و طبعا تقلبيها على الناحيه التانيه ثم تنشليها و تحطيها على ورق  مطبخ علشان يمتص الدهون الزياده ...و بالف هنا و شفا و انشاء الله مبفكش

ازاى اضع الكريم كراميل فى حمام ماء ؟

شكرا على السؤال
بعد ما تجهزى الكريم كرامل ضعى قالب الكريم كراميل فى صينيه كبيره مملوءه بالماء ثم ضعيهم فى الفرن .... فى حالة ان الماء هيتبخر و ينشف املى الصينيه تانى بالماء ...خالى بالك ان خطوة حمام الماء دى مهمه جدا علشان الكريم كرامل يطلع ناجح ....و بالهنا و الشفا

*
 
كوني من عائلة خليك في أحسن حالاتك
وتمتعي بالكثير من المزايا
 
 
  إسم الدخول
 
  كلمة السر
 

نسيت كلمة السر
 
  اسم المستخدم
    البريد الإلكتروني
الرسالة